Saturday, December 31, 2011

Yeej Tsim's Regret

Nkauj Ntxoo khaws txhuv ntawm qhov rooj.

Nkauj Ntxoo: Me naib, mus tsev es mus rauv taws niam es niam yuav ua hmo rau peb noj os.

Me ntxhais: Aws. [Goes inside. After awhile, she comes out and stands next to Nkauj Ntxoo]
Niam, hmo no koj ua dab tsi rau peb noj?

Nkauj Ntxoo: Koj nug li kos es koj xav noj dab tsi os?

Me Ntxhais: Niam, kuv nqhis nqhis nqaij. Koj puas kam yuav nqaij rau kuv noj os?

Nkauj Ntxoo: Aws, ib pliag niam mam li mus nram khw mus yuav naij rau koj noj os. Es koj twb rawv tau taws rau kuv lawm lob?

Me Ntxhais: Aws.

Nkauj Ntxoo; Ces mus ua si es ib pliag niam ua mov siab niam mam hu koj thiab me tub ntxawg neb los noj.

Me ntxhais: Aws. [Looks up and sees Yeej Tsim. She runs towards him] Kuv iv! Koj los lawm lov?

Yeej Tsim: Aws, iv los lawm os.

Me Ntxhais: Iv, koj los es koj nqa tau dab tsi rau kuv na?

Yeej Tsim: Iv yuav tau ib qho qhob nom rau koj thiab me ab ntxawg neb xwb os. Es ab ntxawg neb?

Me Ntxhais: Ab ntxawg wb ua siv tov. Es iv, koj puas kam mus yuav nqaij rau kuv noj os?

Yeej Tsim: Aws, ib pliag iv mam li mus yuav nqaij los rau koj noj os. Nqa nov mus rau ab ntxawg neb noj os. [Me ntxhais takes it and runs off with it around the corner of the house. Yeej Tsim walks over to Nkauj Ntxoo and sits next to her.]

Nkauj Ntxoo; Koj tuaj dab tsi na?

Yeej Tsim: Tuaj saib me nyuam xwb.

Nkauj Ntxoo: Yog koj tuaj saib me nyuam no ces nkawv nyob pem qaum tsev pev es koj mus pev os.

Yeej Tsim; Cas koj hais li kos mas. Tuaj saib koj thiab los mos.

Nkauj Ntxoo: Kuv tsis muaj dab tsi rau koj saib lawm os.

Yeej Tsim: Neeg mas, hais lus kom zoo nws lub siab xwb lo.

Nkauj Ntxoo: Ham tsi tiag los mas.

Yeej Tsim: Es me mos ne?

Nkauj Ntxoo: Me mos tsaug zog hauv tsev.

Yeej Tsim: Tseem tsis tau noj hmo lob?

Nkauj Ntxoo: Tsis tau noj os.

Yeej Tsim: Koj puas kam ib chim kuv tuaj nrog nej cov niam tub noj hmo thiab os?

Nkauj Ntxoo: Tsis kam os. Koj kav tsij mus tsev ib tsam koj tus poj niam tsis pub koj mus tsev os.

Yeej Tsim: Tsis pub los kav liam. Mam li tuaj nrog nej pab niam tub nyob xwb mos.

Nkauj Ntxoo: Tsis txhob hais li kos. Mus, kav tsij mus tsev. Kuv tsis xav nrhiav tab meem rau koj lub neej. Kuv twb yog tus swb, thiab kuv twb yog tus tawm lawm. Kuv twb zam kev rau koj lawm kuv tsis xav rov qab thaiv koj kev.

Yeej Tsim: ua li mas...koj chim chim ces kuv mus lawm os.

Nkauj Ntxoo: Aws, kav tsij mus os. [Yeej Tsim gets up and leaves]

Later --

Nkauj Ntxoo: Me naib, coj me ab ntxawg neb los noj mov os. [Nkauj Ntxoo gets a bowl of water and washes their hands in it. Afterwards, they eat.]

Me Ntxhais: Niam, es nqaij neb?

Nkauj Ntxoo: Tsis muaj nqaij os. Niam mus nram khw lig lig es lawv twb muab yuav tas lawm. Tag kis niam mam li coj koj es wb mam li mus yuav los ua tshaib os. Es lam noj zaub.

Me Ntxhais: Tsis noj! Kuv tsis xav noj zaub, kuv noj nqaij xwb na!

Nkauj Ntxoo: Kuv twb kib tau zaub qab kawg no mas. Ab ntxawg twb noj twb tsis quaj nqaij ne. Kav tsij noj es tag kis wb mam li mus yuav los rau koj noj os.

Me Ntxhais: [Starts to cry and slams the spoon on the table] KUV NOJ NQAIJ NA! Kuv laj laj noj zaub lawm na!

Nkauj Ntxoo: Kuv twb hais tias tag kis wb mam li mus yuav no ne. Zaub no los yeej qab kawg li mas. [Me Ntxhais crie s louder than ever now. Yeej Tsim walks through the door with a bag in his hand.]

Yeej Tsim: Me naib, cas koj quaj quaj os?

Me Ntxhais: Iv, niam tsis kam yuav nqaij rau kuv noj na. [Walks over and pats me ntxhais on the head]

Yeej Tsim: Ntsiag, txhob quaj, iv twb yuav tau los rau koj noj lawm os. [walks over to the dish rack and brings a plate over and pours some cooked meat onto the plate. Nkauj Ntxoo dismisses herself from the table and stands at the door looking out. The kids start eating and Yeej Tsim turns around.] Koj niam, los noj mov mas los? [She does not reply. He walks up to her and puts his hands on her waist. She pushes him off.] Koj niam, noj mov mas lov?

Nkauj Ntxoo: Koj twb tsis hlub peb pab niam tub lawm, tsis txhob tuaj ua ua zoo lawm os. [Walks back over to the table.]

Later --

Nkauj Ntxoo kho txaj. Yeej Tsim thiab me ntxhais nkawv zaum ntawm tug cub.

Nkauj Ntxoo; Me ntxhais, los pw os.

Me ntxhais: Iv, hmo no koj nrog niam peb pw los?

Yeej Tsim: Aws, kav tsij mus pw ib pliag iv mam los. [She heads over to the bed.]

Me ntxhais: Niam, koj puas kam iv nrog peb pw os?

Nkauj Ntxoo: Tsis tau os. Hmo no yog niam yau hmo es ib pliag xwb ces iv mus tsev lawm os. Kav tsij pw es tag kis koj thiaj hnov nrog kuv mus yuav nqaij los rau koj noj os.

Me Ntxhais: Aws. [She goes to sleep. Nkauj Ntxoo walks over to Yeej Tsim.]

Nkauj Ntxoo: Tsaus ntuj lawm, koj kav tsij mus tsev os.

Yeej Tsim: Koj niam, hmo no ces kuv nrog nej pab niam tub pw mas lov?

Nkauj Ntxoo: Tsis tau os. Kuv tsis kam os. Koj twb tsis yuav peb lawm. Dab qhuas koj twb muab cais tas lawm. Kav tsij mus tsev mus tsam luag tsis qhib qhov rooj rau koj os.

Yeej Tsim: Txawm koj tsis kam kuv pw koom ib lub txaj los kuv mam li pw ntawm ntug cub xwb mas.

Nkauj Ntxoo: Koj muaj zoo txaj zoo chaw kav tsij mus pw koj txaj koj chaw. Tsis txhob ntawm kuv ntug cub tsis zoo qhov twg tuaj os.

Yeej Tsim: Kuv yeej tsis ua li cas rau koj li lo mas.

Nkauj Ntxoo: Yog, ntawm wb yeej tsis muaj dab tsi li lo mas, tab sis ib tug poj niam thiab ib tug txiv neej es ua tsis yog txij yog nkawm yuav nyob ib hmo hauv ib lub tsev tsis zoo nkauj. Txawm wb tsis ua phem los, luag yeej xav phem lawm. Hnub no, kuv twb yog tus swb, kuv twb zam kev rau koj lawm, kav tsij mus tsev.

Yeej Tsim: Koj niam, es kuv thov koj npaum no los koj yeej tsis kam kuv nyob li lov? Kuv twb nco nco kuv cov me nyuam thiab los mas.

Nkauj Ntxoo: Koj nco los tag kis kaj ntug koj mam tuaj saib. Kuv yeej tsis txiav koj kev hlub me nyuam li os. Es kav tsij mus tsev.

[Yeej Tsim gets up and walks out the door. He turns around waiting to see if she would say something to him, but instead she closes the door behind him.]

Paj Nyiag Confrontation

Paj Nyiag is at a relative's house doing her paj ntaub when the relative tells her that Thaj Yeeb's been secretly seeing Nkauj Ntxoo.

Relative: Niam Thaj Yeeb, es koj puas paub na.

Paj Nyiag: Paub dab tsi?

Relative: Es koj tsis paub tias Thaj Yeeb mus tham nig poj nrauj es nyuam qhuav nrauj txiv rov los ntawv los?

Paj Nyiag: Oh, kuv tsis paub as.

Relative: Nkawv niaj hnub tuaj mus nqa dej pem qhov dej ua ke thiab nkawv mas nim luag hiv hiv rau ub rau no xwb hos. Thiab kuv hnov tias nig poj nrauj ntawv yog koj nig thaub tus qub hluas nkauj no laib. Ua zoo saib thiab tuav yus tus txiv kom khov tsam ces lawv txeeb lawm nawb.

Paj Nyiag: Aws, ua li mas. Ua tsaug koj tseem qhia kuv thiab os.

--------------------------------------

Thaj Yeeb pw ntawm txaj. Paj Nyiag los zaum ntawm nws ib sab.

Paj Nyiag: Koj txiv, koj puas tau khoom nrog kuv tham os?

Thaj Yeeb: Koj yuav tham dab tsi os?

Paj Nyiag: [Starts to cry] Koj txiv, qhov koj niaj hnub mus no, txawm koj tsis qhia kuv los, kuv yeej paub koj mus dab tsi lawm os. Hnub no, koj tus qub hluas nkauj nrauj txiv rov qab los, ces ntshe koj yuav tsis hlub kuv li qub lawm os vim kuv ib txwm tsis yog tus koj nyiam koj hlub, tus koj tshua tus koj ntshaw thiab xav sau los ua ib lub neej nrog. Tab sis vim koj yog tus kuv nyiam kuv hlub, tus kuv tshua thiab ntshaw es kuv thiaj li ua zaj ua ntxeev kom tau koj. Txawm koj tsis hais los, kuv yeej paub zoo os. Tab sis kuv hais qhia rau koj, kuv tsis txwv tsis txiav koj kev os mog. Vim nws yog tus koj nyiam koj ntshaw. Hos hais txog ntawm kuv, kuv yuav tsis khiav nawb. Txawm koj ntiab los kuv tsis mus, koj tso los kuv tsis khiav vim kuv hlub koj os nawb.

Thaj Yeeb: Koj niam, txhob quaj mas los. Txawm tias nws nrauj txiv rov los los kuv twb tsis npaj siab yuav nws ne. Koj thiaj yog tus hlub kuv es txhob nyuaj siab os. Kuv yeej hlub koj ib leeg xwb mas nawb. Twb yog vim muaj koj cawm kuv ntawm txoj kev nyuaj siab es thiaj li muaj kuv txog niaj hnub nim no. Kuv yeej yuav nco ntsoov koj txoj kev ua zoo es txhob quaj nawb. Kuv hlub koj os.

Paj Nyiag gets up and leaves the house and goes outside. Thaj Yeeb sighs and gets up and goes after her.

Sunday, October 30, 2011

Y. Niam: Me nyab, tsis txhob chim chim os. Twb yog koj txiv wb pom tias koj yog ib tug neeg zoo es wb thiaj li kom Yeej Tsim yuav koj los ua wb nyab. Yuav tau koj lawm ces peb yeej yuav hlub koj xwb os nawb, es tsis txhob chim chim lawm os. Yog tias nyob es nco nco koj niam lawv no los ho khiav khiav mus saib. Twb tsis yog tias nyob ob peb hnub kev, nyob hauv zos no xwb es ho mus saib lawv thiab os.

Nkauj Ntxoo: Niam, zoo siab tias txiv neb tseem pom tias kuv yog ib tug neeg zoo es neb tseem nyiam kuv los ua neb nyab thiab os, thiab kuv tsis chim os, twb yog kuv los tau ob peb hnub no es kuv nco nco kuv niam lawv xwb os.

Y. Niam: Yog mas, yus los ua nyab lawm ces yus yeej nco yus niam lawv tshaj li os. Tab sis yog tias nco no los ho khiav khiav mus saib. Twb tsis nyob deb os nawb.

Nkauj Ntxoo: Aws, ua li os Niam.

--- --- ---

Nkauj Ntxoo: Yeej Tsim, ib ntus no zoo li koj nkees nkees es koj mob qhov twg os?

Yeej Tsim: Tsis mob qhov twg os.

Nkauj Ntxoo: Es yog li koj ntxhov siab qhov twg koj thiaj li ntsoos ntsoos os? Qhia kuv seb kuv pab puas tau koj thiab os lov?

Yeej Tsim: Ib tug neeg ruam li koj xwb yeej pab tsis tau. Qhia los yeej tsis nkag koj lub hlwb li os.

Nkauj Ntxoo: Yeej Tsim, txawm kuv ruam thiab koj hais tsis nkag kuv hlwb los wb twb ua niam txiv tau ntev li no lawm, muaj dab tsi los wb yuav tsum tau sab laj thiab. Yog kuv pab tsis tau los wb mam nrhiav tswv yim lwm qhov los pab los mas lov?

Yeej Tsim: Ua cas poj niam dab tsi, kuv twb hais tias koj pab tsis tau es koj pheej yuav nug kuv tag npaum.

Nkauj Ntxoo: Yeej Tsim, wb ua niam txiv ntev li no, yog kuv ua dab tsi tsis haum koj siab los thov koj qhia rau kuv es kuv mam li hloov os, tsuas wb lub neej zoo xwb kuv yeej siab ua tab nrho os.

Yeej Tsim: Tsis yog tim koj os, yog tim kuv xwb.

Nkauj Ntxoo: Yeej Tsim - [pushes her off the bed onto the floor.]

Yeej Tsim: POJ NIAM DAB TSI, kuv twb hais tas lawm es tej no yeej tsis nkag koj pob ntseg li lov?! Koj tseem yuav kom kuv hais tsawg zaus ntxiv thiab na los?!

Nkauj Ntxoo: Yeej Tsim, koj mus lawm tas hmo tas hmo los kuv twb tsis chem tsis hais koj. Es ua cas hnub no, kuv los nug koj li no xwb, es koj nim yuav muab kuv thawb ntiag rau hauv av. Koj xav nyog lawm lov?

Yeej Tsim: Koj -...

Nkauj Ntxoo: Kuv yeej paub mas, tias koj mus tas hmo tas hmo li no koj mus dab tsi. Kuv yeej paub tias koj muaj ib tug zoo zoo tos koj lawm os. Tab sis kuv lam nug seb koj puas qhia kuv qhov tseeb xwb.

Yeej Tsim: Yog koj twb paub li kos es koj pheej nug dab tsi?

continuation...

Wednesday, July 20, 2011

Yeej Tsim & Nkauj Ntxoo - Sib Nrauj

Nkauj Ntxoo ua hmo tiav thiab tab tom tos Yeej Tsim los tsev. Tos nco, Yeej Tsim los khob khob qhov rooj.

NKAUJ NTXOO: Me Naib, mus qhib koj txiv los lawm os.

Nkauj Ntxoo tus me nyuam txawm khiav khiav mus qhib. Thaum qhib tau, Yeej Tsim thiab ib tug poj niam txawm sawv ntawm qhov rooj ua ke.

NKAUJ NTXOO: Oh tus niam hluas, koj tuaj lob?

Paj Yeeb tsis teb.

YEEJ TSIM: Es hlob puas tau tuaj?

NKAUJ NTXOO: Es hlob tuaj dab tsi no?

YEEJ TSIM: Tuaj lwm qaib los mos. Cas koj yuav ruam ua luaj li!

Nkauj Ntxoo sawv tsee ntawm lub tog thiab tawm kiag rau sab nraum zoov thiab mus tuav Yeej Tsim ceg.

NKAUJ NTXOO: Yeej Tsim, koj xav zoo zoo lawm lo qhov uas koj ua li no rau wb lub neej na?

Yeej Tsim thawb kiag Nkauj Ntxoo rau hauv av.

YEEJ TSIM: Kuv yeej xav tau ntev los lawm. Tus zoo li koj, kuv yeej tsis yuav yeej tsis ntshaw. Hnub no kuv coj tau kuv tus niam nkauj mog uas kuv ib txwm hlub thiab ntshaw los lawm. Hais txog ntawm koj, koj cia li tawm mus. Koj los qhov twg los, koj rov qhov ntawv.

Yeej Tsim txawm nkag mus rau hauv tsev. Nkauj Ntxoo txawm quaj quaj thiab ntsia Paj Yeeb.

NKAUJ NTXOO: Tus niam hluas, kuv thov koj es koj tsis txhob rhuav kuv lub neej li no os. Kuv thov koj rov qab thaum tsis tau muaj plaub muaj ntug os mog. Yeej Tsim wb tej me nyuam los coob coob lawm thiab, es thov koj txhob rhuav kuv lub neeg mog.

Nws peb tus niam yau txhais taws. Yeej Tsim tawm plaws hauv tsev tuaj thiab muab nws xyeeb hlo rau ib qho chaw ces nws txawm muab Nkauj Ntxoo cov khawb ncaws pov rau Nkauj Ntxoo lub ntsej muag. Nkauj Ntxoo tus ntxhais hlob quaj quaj thiab txawm los nyob ntawm Nkauj Ntxoo ib sab. Yeej Tsim tawm plaws hauv tsev tuaj nrog Nkauj Ntxoo tus me tub thiab tus me nyuam mos ntawm tes thiab muab pov rau Nkauj Ntxoo.

YEEJ TSIM: Kuv yeej sam feej rau koj los lawm ntev lawm, hnub no kuv yuav ua tiag. Nej pab niam tub ntawm nej kuv yeej tsis ntshaw ib tug kiag. Hnub no kuv yuav tsis yuav nej los. Nej tej khaub ris khaub tsho kuv yeej muab rau nej tag lawm. Hnub no nej cia li tawm ntawm kuv lub neej mus!

NKAUJ NTXOO: Yeej Tsim, wb peb tug me nyuam tseem me me thiab tseem yau yau, es thov koj txhob ua li no rau wb lub neej os. Koj tsis txaus siab qhov twg los thov koj txhob ntiab peb es cia peb nrog koj nyob os. Txawm koj yuav niam yau lawm los kuv yeej tsis cem tsis hais koj li os. Es thov koj cia peb nrog koj nyob os mog?

YEEJ TSIM: Cas yuav mus quaj toog ntsej ua luaj! Mus, Paj Yeeb, mus wb mus hauv tsev mus tos hlob. Laj laj saib pab niam tub dev no li lawm os!

Yeej Tsim rub kiag Paj Yeeb tes mus rau hauv tsev thiab kaw qhov rooj nrov npag rau. Nkauj Ntxoo quaj quaj thiab nws txawm muab tus me nyuam tub nog ev thiab nqa tus me nyuam mos ntawm teb thiab sau cov khawb ncaws ua ib pawg ces nws txawm mus lawm.

Lawv quaj quaj los txog ib tog kev, nws pom Thaj Yeeb kwv ib cav taws los rhau nws.

THAJ YEEB: Nkauj Ntxoo...yog nej sav. Ua cas nej nqa khaub ncaws es nej yuav mus twg os?

NKAUJ NTXOO: Thaj Yeeb...hnub no Yeej Tsim coj tau niam yau los es nws tias nws tsis yuav peb lawm no es xyov peb yuav mus qhov twg os.

THAJ YEEB: Ua cas muaj dab tsi es ho tsis ua zoo hais. Twb tsaus ntuj lawm thiab es ua cas Yeej Tsim ho yuav ua tau li ntawv.

NKAUJ NTXOO: Kav liam os...nws tias cov niam tub dev zoo li peb no xwb ces nws yeej tsis ntshaw tsis yuav lawm no es peb yuav mus ntsaub lub qab zeb qab ca twg los kav liam os.

THAJ YEEB: Nkauj Ntxoo, zaum no tsis zoo li thaum wb lawm os mog. Yus muaj me tub me nyuam lawm es tsis txhob xav tej yam ruam ruam os mog. Txawm tias Yeej Tsim tsis yuav nej pab niam tub lawm los ua lub siab ntev thiab lub siab loj es tswj txoj siab nyob hlub tej me nyuam os.

NKAUJ NTXOO: Aws...ua li os. Es lig lawm thiab ces tsis xav tab kaum koj es sib ntsib dua os.

Nkauj Ntxoo tu moo li no ces nws txawm mus lawm. Thaj Yeeb tab tom yuav hais nws tab sis nws cia li khiav ceev ceev mus lawm. Thaj Yeeb xav xav ces nws cia li ua ib siab mus tsev lawm.

--- --- ---

Tag kis sawv ntxov, Thaj Yeeb niam thiab txiv hu Thaj Yeeb tuaj saj laj nram lawv tsev. Thaj Yeeb txawm sawv tuaj nyob nraum pab ntsha mloog lawv sib tham.

Txwj laus neeg hais lawv li lus tas ces lawv txawm nug Nkauj Ntxoo tias tab meem yog muaj li cas tiag.

NKAUJ NTXOO: Kuv hais li no rau nej, txij thaum kuv yuav tau Yeej Tsim los txog niaj hnub nim no, ib lub nra los nws yeej tsis pab kuv ev. Ib pluag mov los nws yeej tsis pab kuv ua. Nws tsuas yog niaj hnub mus tham hluas nkauj lawm tsheej hmo tsis los tsev li.

YEEJ TSIM tshuam nws cov lus: Hais zoo me ntsis os! Yog kuv mus lawm tsheej hmo tsheej hmo, tej me nyuam kos ho yog leej twg li?

Txwj Laus Neeg: Peb tsis tau hais koj na tub. Cia nyab hais tas tso koj mam li hais.

NKAUJ NTXOO: Nws tsuas niaj hnub nroo tias kuv tsis zoo thiab tsis yog tus nws nyiam tus nws hlub. Yug tau tej me nyuam no los nws yeej tsis pab kuv tu. Txawm muaj mob muaj nkeeg los nws yeej mus nws lawm tsheej hmo tsis paub txog tias nws muaj ib lub neej. txij li hnub ua yug tau tus mob ab, nws muab kuv ntiab tawm hauv txaj. Nws tias neeg phem li kuv kom txhob tsuj nws lub txaj lub chaw. Nws sau kuv thiab me nyuam cov khaub ncaws tuaj pov rau nraum lub txaj qhua thiab tseem muab lub qhov rooj mus rau hauv txaj xauv tib sis. Kuv xav tias yuav hais qhia rau nej los ntshe yuav ua kev txias siab rau lub neej mus lawm yav tom ntej, kuv thiaj li tsis hais. Tab sis hnub no, Yeej Tsim muab kuv khaub ris khaub tsho pov rau nraum zoov thiab nqa kuv ob tug me nyuam mos mos tuaj pov kiag rau ntawm kuv xub ntiag thiab ntiab kuv phem tshaj li ntiab dev kom tawm ntawm nws lub tsev. Nws coj tau nws tus niam nkauj mog los lawm es txawm tias peb yuav mus ntsaub lub qab zeb qab ca twg los nws yeej tsis yuav yeej tsis hlub li lawm. Yog li hnub no, thov nej nug nws seb nws puas tseem yuav peb lawm. Yog tias nws yuav, ces peb rov qab es ua lub neej ua cav lwj sib ib mus tag ib txhiab ib txhis. Txawm nws muaj niam yau thiab tsis muaj los kav liam. Tsuas muaj nws ua lub thaub hau txiv nyob ntawv rau me nyuam xwb. Ho yog tias nws tsis yuav no ces thov kom nws hais kom khov es faib khoom nyias mus nyias.

Txwj Laus neeg hais tas ces Yeej Tsim hais.

YEEJ TSIM: Kuv yeej tau ntiab lawv pab niam tub lawm tiag, thiab txhua yam lus ua Nkauj Ntxoo hais yeej muaj tseeb. Thaum ub tus kuv nyiam thiab kuv hlub yog Paj Yeeb ib leeg xwb tab sis nws mus yuav txiv lawm. Kuv thiaj li lam yuav Nkauj Ntxoo los vim tias kuv niam thiab kuv txiv nkawv nyiam Nkauj Ntxoo heev li. Tab sis, hnub no kuv tus hluas nkauj ua kuv ib txwm swm twb rov los lawm. Txawm zoo thiab phem los kuv yuav yuav nws mus kom kuv lub neej txoj sia tag. Es hnub no, kuv tuaj yeem xa Nkauj Ntxoo lawv pab niam tub rov qab mus rau niam tais yawm txiv. Txawm ntau thiab tsawg los kuv yeej tuaj yeem xa. Tej me tub me nyuam, kuv tsis ntshaw ib tug kiag li. Es yog tias nws yuav faib no seb nws faib li cas. Yog tias nws tsis kam faib no los, nws coj nws mus. Kuv mam li hlub qhov kuv hlub tau. Khoom vaj khoom tsev, faib kom ncaj hauv nruab nrab. Kuv cov lus ces muaj li no xwb.

Yeej Tsim hais lus tu moo li no ces Nkauj Ntxoo quaj quaj. Thaj Yeeb los yeej nyob sab nrauv quaj kawg li thiab. Mob thiab khib nws tias Yeej Tsim twb txeeb nws tus hluas nkauj ntawm nws xub ntiag mus yuav, ua cas Yeej Tsim ho tsis hlub es Yeej Tsim tseem yuav coj nws mus tsim.

Thursday, July 14, 2011

Thaj Yeeb & Nkauj Ntxoo - Kev Sib Hlub

Thaj Yeeb tuaj saib Nkauj Ntxoo. Me Noog cheb tsev nraum zoov.

ME NOOG: Tij Laug, koj tuaj lob?

THAJ YEEB: Aws, tuaj os. Koj puas noj qhaub noom?

ME NOOG: Es koj puas muaj mas?

THAJ YEEB: Nov ne? [Shows her the bag.]

ME NOOG: Yog koj muaj ces kuj noj xwb. [She takes the bag.]

THAJ YEEB: Me Noog, Nkauj Ntxoo puas nyob lawm?

ME NOOG: Nws ntxhuav tais diav nrav os.

THAJ YEEB: Yog li ces, koj mam noj qhaub noom es kuv mus nram Nkauj Ntxoo lawm nawb.

ME NOOG: Aws.

Thaj Yeeb taug kev los rau nram Nkauj Ntxoo. Nws los npog Nkauj Ntxoo qhov muag.

NKAUJ NTXOO: Leej twg?

THAJ YEEB [ua lub suab txawv txawv]: Koj sim twv seb yog leej twg?

NKAUJ NTXOO: Mmm...Tsis paub es.

THAJ YEEB: Kuv ces yog tus uas koj hlub xwb mos.

NKAUJ NTXOO: Mas kuv muaj ntau ntau tus hlub es xyov koj yog tus twg es?

THAJ YEEB [regular voice]: Oh yo...siab coob tag npaum kos ces kuv mus kuv tsis tuaj lawm os.

Nws txawm tso Nkauj Ntxoo ces tig rov qab mus lawm. Nkauj Ntxoo tig los pom nws ces Nkauj Ntxoo txawm luag.

NKAUJ NTXOO: Thaj Yeeb, yog koj xwb sav. Ua cas ua lub suab txawv tag npauv li tsis paub li lawm os. Thaj Yeeb rov los.

THAJ YEEB: Koj ua dab tsi na?

NKAUJ NTXOO: Kuv? Mmm...kuv noj mov.

THAJ YEEB: Noj mov? Dag...koj ntxuav tais diav xwb sav.

NKAUJ NTXOO: Es koj twb pom es koj ho nug ua dab tsi thiab no?

THAJ YEEB: Lo nos yeej yog lo nug na.

NKAUJ NTXOO: Ces lo no kuj yog lo teb thiab.

THAJ YEEB: Nej cov hluas nkauj no mas txawj dag kawg li yom?

NKAUJ NTXOO: Tiag. Yog tsis txawj dag tsam nej ho dag peb xwb es peb ho mob mob siab ne. Ob tog yuav tsum sib dag es thiaj li lom zem.

THAJ YEEB: Yog, yog, yog. Es Nkauj Ntxoo, koj ntxuav tais diav tas ces wb mus ua si yom?

NKAUJ NTXOO: Tau mas...hnub no tsis ua dab tsi lawm thiab.

THAJ YEEB: Yog li ces cia kuv pab koj ntxuav kom tag sai es wb thiaj tau mus yom?

NKAUJ NTXOO: Mmm...ntxuav los ntxuav. Ntshai tsam Hmoob txiv leej tub tus zoo nraug tsis paub ntxuav xwb lau...

THAJ YEEB: Kuv yeej txawj ntxuav thiab mas. Yog li ces cia koj ua xu npum es kuv yaug yom?

NKAUJ NTXOO: Tau kawg. Tab sis yaug kom huv huv laib.

THAJ YEEB: Kuv yaug lawm ces yeej huv xwb mas.

Ces nkawv txawm ntxuav tais diav tas ces nkawv txawm mus ua si cig tab laj.

--- --- ---

Thaj Yeeb rov qab tuaj nrhiav Nkauj Ntxoo. Nkauj Ntxoo thiab Me Noog nkawv mus ntxhua khaub ncaws nram pas dej lawm. Tshuav Nkauj Ntxoo niam thiab txiv nyob hauv tsev xwb. Nkauj Ntxoo Niam tab tom khaws khaws txuv.

NIAM: Me tub, koj tuaj los?

THAJ YEEB: Aws Phauj, kuv tuaj os. Es Nkauj Ntxoo puas nyob lawm ne?

NIAM: Nkauj Ntxoo tsis nyob lawm. Nws thiab Me Noog nkawv mus ntxhua khaub ncaws nram pas dej lawm os.

THAJ YEEB: Yog li ib tsam Me Noog los koj muab qhov nov rau Me Noog es kuv rov qab lawm os.

NIAM: Oh nyob ib pliag tso mas. Nkawv twb mus ntev loo lawm thiab nyaj nkawv yuav los.

THAJ YEEB: Tsis ua cas os Phauj. Yog tias nkawv tsis nyob lawm thiab no ces kuv mus lawm es ib tsam kuv mam tuaj.

NIAM: Yog li ces mus koj tuaj os.

THAJ YEEB: Aws.

Thaj Yeeb txawm khiav khiav mus nram pas dej pom Nkauj Ntxoo ib leeg ntxhua khaub ncaws.

THAJ YEEB: NKAUJ NTXOO!!

NKAUJ NTXOO: Koj sav Thaj Yeeb.

Thaj Yeeb khiav khiav mus pem nws.

NKAUJ NTXOO: Cas koj ho paub tias kuv tuaj no thiab?

THAJ YEEB: Es Nkauj Hli nyob qhov twg, Lis Pov nyob qhov ntawv ces kuv kuj paub.

NKAUJ NTXOO: Oh yo...hais lus dag ua luaj.

THAJ YEEB: Tiag ho. Es Me Noog neb?

NKAUJ NTXOO: Xyov...nws tias kom kuv ntxhua es nws mus rawj roob ris lawm no. Xyov nws mus dua twg lawm as.

THAJ YEEB: Cia kuv pab koj ntxhua yom?

NKAUJ NTXOO: Tsis kam os.

THAJ YEEB: Ua cas no? Koj txaj muag lov?

NKAUJ NTXOO: Tsis yog. Tab sis lawv tej laus ib txwm hais tias yog ib tug hluas nraug ntxhua ib tug hluas nkauj cov khaub ncaws ne ces, nkawv yuav tsis sib tau no lai?

THAJ YEEB: Tej kos ces yog lus dag xwb os.

NKAUJ NTXOO: Ua li mas...ntau ntau thiab es kav tsij pab kuv ntxhua kom lwm hnub tsis txhob tau kuv mas.

Nkauj Ntxoo txawm cev rau Thaj Yeeb. Thaj Yeeb ho tsis txais lawm thiab.

NKAUJ NTXOO: Es ua cas koj ho tsis txais lawm ma?

THAJ YEEB: Vim koj hais li kos lawm ne.

Nkauj Ntxoo luag luag.

THAJ YEEB: Tab sis...sov sov thiab kuv xav kov dej na.

NKAUJ NTXOO: Ces kuj kov dej xwb.

Nkauj Ntxoo txawm muab dej ntov rau Thaj Yeeb. Ces nkawv txawm sib tawb sib tawb. Tos nco, Nkauj Ntxoo tib thawb Thaj Yeeb poob kiag rau haus pas dej. Nkauj Ntxoo thov txim thiab luag luag thiab txawm cev tes pab Thaj Yeeb sawv los. Tos nco, Thaj Yeeb tib tuav thiab rub kiag Nkauj Ntxoo rau hauv pas dej nrog nws lawm. Nkawv txawm ua ua luam dej ua si.

Yeej Tsim & Nkauj Ntxoo - Txoj Kev Niam Txiv

Yeej Tsim yuav mus tham hluas nkauj. Hnub ib, Nkauj Ntxoo twb mob mob plab. Nws txawm hais rau Yeej Tsim tias kom nws txhob mus es kom Yeej Tsim saib me nyuam vim tias nws maj maj ua nws lub kaus mom rau nws tus me nyuam ntoo.

NKAUJ NTXOO: Yeej Tsim, koj yuav mus dab tsi na?

YEEJ TSIM: Kuv mus pem niam lawv ib pliag xwb os.

NKAUJ NTXOO: Koj tsis txhob mus es koj los ua hmo rau peb noj hmo no lo mas. Kuv mob mob plab li.

YEEJ TSIM: Tej kos yog poj niam hauj lwm xwb. Koj mam li ua koj.

NKAUJ NTXOO: Yog li ces, thov koj pab mus txhi ib qho taws tso koj mam li mus.

YEEJ TSIM: Txiv kom kuv tsuag tsuag no es koj mam li txhib koj.

Yeej Tsim tawm khiav. Nkauj Ntxoo quaj quaj ces nws txawm sawv mus txhi taws los rauv ua hmo noj.

Yeej Tsim tuaj txog pem nws niam thiab nws txiv nkawv. Nws niam khaws khaws txuv ntawm qhov rooj thiab mus noj mov pem hluas nkauj tsev.

Hnub ntawv Niam pog tuaj saib Yeej Tsim thiab Nkauj Ntxoo nkawv. Nkauj Ntxoo tab tom txhi tau ib pawg taws.

NIAM: Nyab, koj cev twb tsis tab seeb es tsis txhob txhi taws tsam sav os.

NKAUJ NTXOO: Niam koj tuaj los? [Niam pog los txeeb rab taus ntawm tus nyab.]

NIAM: Yeej Tsim ne? Nws mus dua twg lawm cas tsis kom nws los txhib?

NKAUJ NTXOO: Nws tias txiv txib nws es nws maj maj li es nws cia li khiav tuaj lawm xwb as.

NIAM: Tuaj thaum twg lawm no? Cas tsis pom li?

NKAUJ NTXOO: Tuaj ob peb xuaj moos no lawm as...

NIAM: Oh yo...nyob ze tag npaum es cas yuav tuaj ntev tag npaum. Ntshe nws ua si lawm xwb os. Es yus lub cev tsis tab seeb lawm es tsis txhob ua ua thiab os. Thaum twg tub khoom nws mam li ua nws.

NKAUJ NTXOO: Niam aws...tsis ua los tsis tau noj li ces lam ua xwb.

Niam pog thiab Nkauj Ntxoo nkawv txawm los tsev ces niam pog txawm los saib na has vaj tse ntxhov hnob hos lauj kaub tsis muaj ib lub mov.

NIAM: Es hnub no nej nyob nej yeej tsis tau noj mov li lo cas? Cas tsis muaj ib lub mov li?

NKAUJ NTXOO: Tag kis no tsis muaj dej lawm es kuv txawm sawv mus nqa dej los ua tshais es kuv txawm mus ntog nram kev thiab es kuv hnov kuv lub plab txoom txoom ua tawv tawv thiab hnov mob me ntsis plab es kuv thiaj li tsis tau ua xwb.

NIAM: Ua cas koj tsis ua zoo li mas? Ib tsam sav koj ne? Es nej txawm yoo ib tag hnub no ntag? Es kuv ob tug me nyuam puas tau noj os?

Nkauj Ntxoo pib quaj thiab tsis teb Niam Pog.

NIAM: Ntsiag...tsis txhob quaj. Yeej Tsim ces yeej phem phem li ntawv os mog. Es kuv tuaj txog lawm ces kuv mam li ua es tsis txhob quaj.

Niam pog txawm los ua ib qho rau Nkauj Ntxoo noj thiab rhau ib qho tshuaj rau nws haus.

---- ---- ----

Niam pog txawm ua hmo rau Nkauj Ntxoo pab niam tub noj tag ces nws txawm los tsev. Yeej Tsim tab tom tawm hauv tsev tuaj ntag.

NIAM: Yeej Tsim, cas es koj yuav tsis pab nyab ib nyuag qho me me li. Nyab plab twb loj tag npaum ntawv lawm, yuav so hnub twg tsis paub. Es ua cas koj tseem tsis nyob tsev thiab es koj tsuas yog mus laij li laij xwb. Thiab ua cas koj tseem tsis mus nqa dej thiab es tseem yuav kom nyab mus es nyab tseem mus ntog mob nyab plab ib hnub no li ne. Au...koj mas tsis txim txiaj kiag li laus.

YEEJ TSIM: As, kuv tsis tau kom nws mus nqa as. Nws mus nqa nws, nws ntog nws, pab tsis tau nws xwb.

NIAM: Cas koj yuav siab phem ua luaj li. Luag tsis mus nqa los tsis tau noj tsis tau hau. Luag mus nqa es luag ntog sab los tseem tsis pab thiab.

YEEJ TSIM: As, tus ntawv yeej yog tus nyab uas Txiv neb ntshaw ntshaw li ces neb mam pab neb mas.

Yeej Tsim hais li ntawv ces nws cia li khiav los tsev lawm.

NIAM: Yeej Tsim lo...koj phem rhau lawm os.

--- --- ---

Yeej Tsim los txog tsev ces Nkauj Ntxoo pw ntawm txaj saib nws ob tug me nyuam ua si. Yeej Tsim los txog ces nws txawm tuav nkaus Nkauj Ntxoo sawv ces xa ib npuaj rau Nkauj Ntxoo sab plhu. Nkauj Ntxoo tus me ntxhais sawv nrees los kawm Yeej Tsim.

YEEJ TSIM: Koj na, koj tseem mus taug xaiv li cas rau niam thiab? Es niam yuav cem kuv ua luaj?!

NKAUJ NTXOO: Kuv twb tsis tau hais li cas ne?

YEEJ TSIM: Tsis tau hais tsis tau hais. Es niam twb cem kuv siab phem tsis muaj siab phem ne. Poj niam dab tsi, cas yuav tsis paub txuag yus tus txiv lub ntsej muag kiag li?

NKAUJ NTXOO: Yeej Tsim, sauv muaj ntuj, hauv muaj av, kuv yeej tsis tau hais dab tsi rau niam tiag tiag li os. Hnub no niam tuaj es niam los saib lauj kaub es tsis muaj dab tsi li es niam thiaj nug tias kuv mob qhov twg es ua cas kuv tsis mua mov noj es kuv tsuas teb rau niam tias kuv nus nqa dej tag kis nov es kuv ntog es mob mob kuv plab kuv thiaj li tsis tau ua xwb no. Kuv yeej tsis tau hais koj nrog li os Yeej Tsim.

YEEJ TSIM: Koj tsis txhob hais hais na! Kuv yeej paub koj tag lawm mas. Koj tsuas xav kom kuv mag ces es kom zoo koj lub siab xwb na!

NKAUJ NTXOO: Yeej Tsim...ib pluag los koj tsis pab kuv ua. Ib lub nra los koj tsis pab kuv ev. Es ua cas qhov no twb tsis tsim nyog ntaus es koj tseem muaj kuv ntaus thiab? Cas koj niam koj txiv nkawv yuav tis tau lub npe zoo thiab phim koj ua luaj. Koj nim hu ua Yeej Tsim no es koj nim yuav muab kuv tsim tsim kom koj yeej kiag tso lob?

YEEJ TSIM: POJ NIAM DAB TSI AS! [SLAPS. Both the kids start to cry.] Kuv phem phem li ces hmo no koj tsis txhob los nrog kuv pw nawb! [Yeej Tsim thawb nws tus me nyuam ntog thiab cem tias nig me nyuam qais neeg tsis txhob los tuav tuav nws thiab Yeej Tsim txawm khiav mus hauv txaj mus sau Nkauj Ntxoo cov khaub ncaws coj los pov rau nraum lub txaj qhua. Nkauj Ntxoo nqi saum txaj los tsa nws tus me nyuam] Kuv saj feej rau koj paub hnub no tias, neeg phem thiab qias li koj, koj tsis yeej los tsuj taw rau hauv kuv lub txaj no ib zaug ntxiv li lawm nawb. Kuv yuav mus coj kuv tus me niam nkauj mog los nrog kuv pw hauv no. Koj yuav mus pw qhov twg los xij koj! Tus zoo li koj xwb, kuv yeej tsis khuv xim lawm! [Yeej tsim stumps into the room and the scene ends with Nkauj Ntxoo and the kids crying. B-rolls of what happens through out the night.]

Thaj Yeeb & Nkauj Ntxoo - Yuav Txiv

Thaj Yeeb rov qav tuaj rau pem Nkauj Ntxoo zos npaj siab tias yuav tuaj coj Nkauj Ntxoo rov qab mus tsev mus nrog nws nyob. Thaum nws tuaj, nws ncaj qha mus rau pem Nkauj Ntxoo tsev. Thaum nws tuaj txog, Nkauj Ntxoo tus niam hluas Me Noog cheb cheb tsev.

THAJ YEEB: Me Noog.

ME NOOG: Tij Laug Thaj Yeeb, koj tuaj lob?

THAJ YEEB: Aws. Kuv tuaj os. Kuv yuav tau pob qhob noom no tuaj rau koj os.

ME NOOG: Lob? Ua tsaug nawb. [Bows and takes the bag of candy.]

THAJ YEEB: Es Nkauj Ntxoo neb? Nws puas nyob lawm?

ME NOOG: Es Tij Laug, koj tsis paub lob?

THAJ YEEB: Tsis paub as. Es ua cas?

ME NOOG: Tij Laug es...koj roj qeeb hneev lig lawm os. Nkauj Ntxoo twb mus yuav hmoob lawm aws...

THAJ YEEB: Hav?! Koj hais tiag los dag na? Tsis txhob dag kuv ib tsam kuv tsis nqa khaub noom tuaj rau koj noj lawm nawb!

ME NOOG: [Cries] Tij Laug...kuv yuav ua cas dag koj. Ib ib txwm yuav khaub noom rau kuv noj tas li es kuv yuav ua cas muaj nplooj siab dag koj os. Lwm lub hli xwb ces lawv twb yuav tuaj hais tshoo os...

THAJ YEEB: Es Nkauj Ntxoo twb mus yuav txiv thaum twg lawm no?

ME NOOG: Hnub uas koj rov qab mus tsev lawm os. Wb mus ua teb ib hnub los txog ntawm ib tog kev xwb ces lawv muaj Nkauj Ntxoo zij mus lawm os. Nws quaj quaj kawg li, hu rawv koj lub npe kom pab nws xwb os.

Thaj Yeeb quaj quaj thiab phlws Me Noog lub tau hau.

THAJ YEEB: Me Noog, koj mam nyob nawb mog. Es Tij Laug mus lawm nawb.

ME NOOG: Tij Laug...mus no ces rov qab tuaj saib peb thiab os.

Thaj Yeeb nqa nws lub hnab ces nws txawm khiav ceev ceev mus quaj thiab qw. Ib tsam tsuas ntuj zem zuag ces nws txawm los ib tug qhov muag o o thiab tsis muaj zog los rau nram Tsheej Zoo tsev.

TSHEEJ ZOO: Npawg...ua cas rau koj na?

THAJ YEEB: Tsis zoo ua neeg li lawm os npawg...

TSHEEJ ZOO: Es ua li cas ma?

THAJ YEEB: Nkauj Ntxoo mus yuav txiv lawm os.

TSHEEJ ZOO: Qhov kos xwb, kuv xav hais tias ntshe ua cas rau koj lawm no!

THAJ YEEB: Npawg...kuv yuav ua cas ua neeg nyob...kuv nyuam qhuav mus twb tsis tau ntev es ua cas lawm tim siv tuaj zij tus neeg uas kuv hlub tshaj plaws mus lawm thiab....

TSHEEJ ZOO: Txawm Nkauj Ntxoo mus yuav txiv lawm los hluas nkauj hauv peb zos no tseem tshuav coob coob. Kuv mam li rov qab coj koj mus tham os.

THAJ YEEB: Txawm zoo npaum cas los ntshe tsis zoo npaum li kuv tus Nkauj Ntxoo lawm aws...

TSHEEJ ZOO: Yeej muaj xwb mas. Es ntsiag, tsis txhob quaj quaj lawm. Tsaus ntuj lawm thiab ces los tsev es muaj dab tsi los wb mam li los tham huav tsev.

THAJ YEEB: Koj mus ua ntej, ib pliag kuv zoo siab kuv mam li los.

--- --- ---

Hnub Nkauj Ntxoo tuaj noj tshoo, Thaj Yeeb tuaj nyob sab nraum zoov saib. Thaum nws pom Nkauj Ntxoo thiab Yeej Tsim lawv sawv kev rov qab los tsev, nws nkaum ntawm ib tog tsev thiab nws ntseeg tsis tau tias Nkauj Ntxoo mus yuav txiv lawm tiag tiag. Ces nws txawm rov qab khiav los rau nram Tsheej Zoo tsev thiab ntho nkaus rab txuas. Tsheej Zoo niam qw tias nws nqa rab taus mus ua dab tsi, tab sis nws tsis teb ces nws txawm khiav khiav mus rau nram hav zoov. Nws rov qab mus txog ntawm tsob ntoo uas thaum i Nkauj Ntxoo thiab nws mus cog lus thiab CARVE nkawv lub npe rau. Nws chim siab heev ces nws txawm muab rab taus ntov tsob ntoo ntawv. Nws ntov tag ces nws txawm pw nti rau ntawm av quaj thiab qw Nkauj Ntxoo lub npe. Nws tig rov qab mus saib tsob ntoo ces nws txawm pom qhov nws thiab Nkauj Ntxoo nkawv sau nkawv ob lub npe rau. Nws xav xav ces nws txawm muab qhov ntawv txiav thiab nqa los lawm.

Wednesday, July 13, 2011

KEV UA SI

- Ua luam dej
- Sib pub noj
- Mus nqa dej
- Mus khaw dos
- Ev zaub npuas
- Ev taws
- Sib ua luag mus yos tshuaj

Tuesday, July 12, 2011

Thaj Yeeb & Nkauj Ntxoo - Kev Sib Ncaim

Thaj Yeeb thiab nws tus poj niam nkawv sib cav ob peb nyuag lo.

PAJ TSIAG: Thaj Yeeb, koj yuav mus dab tsi os?

THAJ YEEB: Kuv pem Tsheej Zoo ib pliag kuv mam li los.

PAJ TSIAG: Koj mus pem Tsheej Zoo xwb es ua cas koj nim yuav hnav zoo nraug ua luaj li mas.

THAJ YEEB: As...kuv yeej ib txwm hnav zoo li no as. Hwb...nqa lub zuag mus cia es kuv mus ib pliag kuv mam li los.

PAJ TSIAG: Thaj Yeeb, koj tsis thas dag dag kuv lawm os. Kuv yeej paub tias koj yuav mus ntsib Nkauj Ntxoo xwb.

THAJ YEEB: Yog paub li kos es koj ho nug ua dab tsi thiab no?

PAJ TSIAG: Thaj Yeeb, thaum Nkauj Ntxoo tsis tau nrauj txiv los, koj twb tsis coj li no sav? Ua cas Nkauj Ntxoo nrauj txiv los tau ib ntu no xwb es koj ua dab tsi los ua zais ntshi xwb.

Thaj Yeeb tsis teb.

PAJ TSIAG: Kuv yeej paub mas, kuv yog ib tug ntxhais ntsuag pluag pluag ua luag ntxub ntxub es luag thiaj li muab kuv pub rau koj xwb. Kuv yeej ib txwm tsis yog tus uas koj nyiam thiab koj hlub es koj thiaj li tsis tuag siab hlub os. Tab sis kuv xav tias koj yog ib tug neeg zoo es txawm luag muab kuv pub rau koj los ntshe koj yuav hlub kuv no, tab sis ua cas kuv tseem dag kuv tus kheej thiab. Tsis ua cas os Thaj Yeeb, yog tias koj tsis xav hlub thiab koj xav mus coj koj tus hluas nkauj los no los ua zoo hais, kuv yeej tsis txiav neb hauv kev li os.

Paj Tsiag ntho nws tus me nyuam ua pw pem txaj thiab daim nyias ces nws txawm khiav tawm ntawm lub tsev mus lawm. Thaj Yeeb xav xav ces nws thiaj li khiav raws Paj Tsiag qab.

[B-ROLL OF HER BY HERSELF CRYING WITH HER CHILD]

THAJ YEEB: Koj nyob nov xwb lo. Ua cas kuv nrhiav koj ib hnub no es nrhiav tsis tau koj li. Los wb mus tsev os. [Grabs her hands. She pushes his off.] Koj tseem chim thiab lob? Tsis txhob chim lawm es rov qab nrog kuv mus tsev os. Txij no lawm tov, kuv mam li tsis mus nrhiav Nkauj Ntxoo lawm thiab kuv mam li hlub koj tshaj qhov qub os mog. Wb ob leeg yeej paub tias kuv yog tus txhaum. Es thov zam lub txim rau kuv thiab os lov? [PAJ TSIAG doesn't respond. THAJ YEEB grabs the child and her and they both start walking towards home.]

--- --- ---

THE NEXT DAY;

THAJ YEEB: Nkauj Ntxoo...

NKAUJ NTXOO: Thaj Yeeb, koj tuaj ua dab tsi?

THAJ YEEB: Twb yog kuv muaj ob peb lo lus xav nrog koj tham xwb os.

NKAUJ NTXOO: Kuv twb hais tag rau koj hnub i lawm ne.

THAJ YEEB: Yog, koj hais koj cov lus tas lawm tiam sis tshuav kuv cov kuv twb tsis tau hais ne.

NKAUJ NTXOO: Kuv tsis tau khoom os. [Nqa lub vab txhuv sawv, Thaj Yeeb tuav lub vab.]

THAJ YEEB: Nkauj Ntxoo, kuv mus zaum no ces kuv yuav mus tag ib txhis es kuv yuav tsis tuaj tsuj koj lub rooj taws ib zaug ntxiv li lawm os. Es kuv thov 5 feeb ntawm koj lub sij hawm xwb nawb.

--- DIFFERENT SCENE. THEY ARE STANDING BY A TREE.

THAJ YEEB: Nkauj Ntxoo ni Nkauj Ntxoo. Ib sim neej kuv niam kuv txiv yug kuv los rau hauv lub ntiaj teb no, kuv tsuas yog pom koj ib leeg thiaj li zoo nkauj nraug kuv siab thiab coj tus yeeb yam hauv kuv plawv. Tab sis ua cas kuv hmoov tsis muaj, es kuv rov lawm ib hnub ib hmo xwb, es koj tim siv mus ua luag poj. Es koj puas paub tias mob kuv lub siab npaum li cas. Quaj thiab qw los tsis hnov raug qhov mob li os Nkauj Ntxoo. Chim chim kuv siab heev, kuv thiaj li txiav txim siab khiav los nyob hauv nej zos seb puas pom koj. Txawm tsis tau nrog koj hais lus lo tsuas pom xwb ces twb zoo kuv siab lawm ob peb hnub os Nkauj Ntxoo. Koj puas taub tias kuv niaj hnub tos seb puas hnov luag hais tias koj rov los. Tab sis ua cas nyob hnub rhau hnub, lub sij hawm tsuas rhau lawm zuj zus xwb es koj nim tsis rov. Kuv twb xav tias ntshe koj yuav mus ua lub neej es yuav tsheej cuab ua neej nto ntsis kuv thiaj li txiav txim siab yuav poj niam twv qhov tsis tau koj. Tab sis ua cas, ib xyoo tom qab kuv yuav poj niam tag, koj lub neej ho mus tsis kawg es koj tim siv rov qab los ua rau kuv lub siab nyob tsis tau cuag thaum i ua tsis tau koj os Nkauj Ntxoo. Yog kuv ua neej pom hmoov tias koj yuav rov los ntshe, kuv yuav nyob ua nraug laus tos koj kom tag tiam no os. Tab sis ua lub neej tsis raws li xav, kuv muaj poj niam lawm es ntshe kuv yuav rov qab mus hlub kuv tus poj niam kom kawg kuv txoj siab mog. Es seb lwm hnub kuv tub puas tau koj ntxhais, kuv ntxhais puas nyiam koj tub, es kuv mam li ua poj cuag yawg cuag sib hlub mog.

NKAUJ NTXOO: Thaj Yeeb, wb txoj kev hlub tiam no ces tsis muaj ntxiv lawm os. Es kuv zoo siab tias koj tseem xav tau qhov zoo es koj thiaj los rov qab mus hlub koj poj niam mog. Hais txog ntawm kuv ces tsis txhob txhawj txog lawm os. Es seb lwm hnub tej me nyuam sib nyiam no los wb mam li ua poj cuag yawg cuag los sib hlub xwb os.

THAJ YEEB: Yog li ces, nyob zoo koj os Nkauj Ntxoo. Koj nyob no ces khaws kuv txoj saw kom zoo zoo cia es koj thiaj tau saib dab muag tias yog kuv li no os. Es kuv mus lawm nawb mog. Tiam no kuv tsis tau koj ces kuv yuav ua ib siab es cia fab lwm tiam kuv thov kom tau daim ntawv zoo zoo es mam li rov qab los hlub koj os mog.

Thaj Yeeb thiab kawv tham li ntawv tag ces nws txawm kiav mus lawm. Nkauj Ntxoo quaj quaj thiab tuav txoj saw ntawm nws lub caj dab.

Yeej Tsim & Nkauj Ntxoo - Ua teb scene

Nkauj Ntxoo thiab Yeej Tsim nkawv mus ua teb. Nkauj Ntxoo thiab Yeej Tsim nkawv sib yuav tau 5 lub xyoo thiab muaj 2 tug me nyuam thiab ib plab. Yeej Tsim nkawv tuaj nthua teb pob kws thiab de zaus mus ua noj. Thaum hnub qaij nrig raum tim npoo ntuj [3:00 PM] Yeej Tsim hais rau Nkauj Ntxoo tias nws yuav mus yos me ntsis hav zoo seb puas tau dab tsi ua noj.

YEEJ TSIM: Nkauj Ntxoo, koj mam li tu khoom thiab ev nra thiab coj ob tug me nyuam los es kuv yuav mus yos hav zoov ib pliag seb puas tau dab tsi noj.

NKAUJ NTXOO: Koj niaj hmo niaj hmo mus yos hav zoov los twb tsis tau dab tsi li ces hmo no koj txhob mus es wb mus txiav ib kawg taws mus rauv los mas. Mob mob kuv duav li es kuv twb khoov tsis tau li lawm os.

YEEJ TSIM: Tej niag taws ntawv koj mam li txiav koj los koj xwb yeej tau kawg li os rog tas npaum kos na. Thiab kuv niaj hmo mus yos los kuv tsuas yog mus yos los rau koj tawg xwb na. Es ua cas koj nim yuav khib tag npaum?

NKAUJ NTXOO: Yog tias koj yuav mus xwb xwb li no ces cia wb mus tsev vim tias kuv lo ib plab, me tub los tsis tau txawj mus kev, hos wb tus me ntxhais los mus tsis tau thiab ces koj nrog kuv ev ib tug mus tsev mas yom?

YEEJ TSIM: As...kuv twb tias kom koj coj mus rau niam nkawv zov es kom koj txhob coj tuaj no ne. Koj nim xav xav coj tuaj ces koj pus koj las as. Thiab hnub twb tsis tau poob ces koj ua koj kom teb nqig tso koj mam li los lo mos, cas yuav tub nkeeg ua luaj. Tsis txhob hais hais lawm os. Kuv yuav mus kuv, ib pliag koj yuav ev dab tsi los koj mam li ev koj los.

Yeej Tsim khiav los tsev thiab khiav los tham hluas nkauj lawm. Nkauj Ntxoo ua teb ib chim tsaus ntuj zem zuag ces nws txawm chim siab.

NKAUJ NTXOO: [Me tub aws...ua cas tsaus ntuj li no lawm es koj txiv tsis txawj los li.] Ab...chim siab ua luaj no. Hmo twg hmo twg los nws tsuas cia lub nra rau yus ev es nws niaj hmo khiav los ua ntej lawm xwb. Kav liam, hmo no tsis txhob ev kiag es yus pus yus ob tug me nyuam mus tsev xwb. Tsis tau taws rauv los kav liam.

Nkauj Ntxoo chim siab heev ces nws txawm hle nws raim sev coj los pua rau hauv lub qab kawm thiab nws txawm muas nws tus me nyuam tub mos zaum saum nws lub plab thiab muab ev ntawm nws xub ntiag. Ces nws txawm hais rau nws tus me ntxhais tias kom nws nce rau hauv lub kawm es nws txawm quaj quaj ces nws txawm los nws lawm.

Los txog ntawm ib tog kev, nws txawm ntsib Thaj Yeeb thiab Tsheej Zoo nkawv ob leeg tuaj mus plos hav zoov. Thaj Yeeb thiab Tsheej Zoo nkawv txawm nqa tau ib leeg ib tug noog ntawm tes. Nws txawm pom nkawv tawm pem hav fab los ces nws txawm so kiag kua muag es tawg kev ceev ceev kom huas kom tau nkawv ntej.

THAJ YEEB: Nkauj Ntxoo...

Nkauj Ntxoo tsis teb thiab mus kev twj ywm.

THAJ YEEB: Nkauj Ntxoo...puas yog koj na?

NKAUJ NTXOO TUS ME NYUAM txawm hais nrov nrov tias: Niam, niam, nws hu hu koj lawm os.

Thaj Yeeb hnov qhov ntawv ces nws txawm khiav los tav kiag Nkauj Ntxoo kev. Tsheej Zoo txawm khiav ceev ceev raws nws qab thiab tuav kiag nws txhais npab.

TSHEEJ ZOO: Phooj ywg, Nkauj Ntxoo muaj txiv lawm, tsis txhob ua li kos tsam wb txhaum plaub os.

THAJ YEEB: Npawg, tsis ua li cas li os. Hais lus li nkauj muam nraug nus xwb yeej tsis txhaum leej twg li os.

Tsheej zoo txawm tsis teb.

THAJ YEEB: Nkauj Ntxoo, koj mus dab tsi los, es ua cas koj yuav ev ib tug me nyuam rau ntawm koj nrab qaum thiab tseem khuam ib tug ntawm koj lub plab me nyuam thiab os?

NKAUJ NTXOO: Peb mus teb los xwb os.

THAJ YEEB: Es koj tus txiv ne, ua cas nws ho tsis nrog koj los?

NKAUJ NTXOO: Nws muaj hauj lwm es nws los ua ntej lawm xwb os.

THAJ YEEB: Nkauj Ntxoo -

NKAUJ NTXOO: Es hnav hnav kuv lawm thiab ces kuv yuav mus tsev es mam li sib ntsib dua os.

Nkauj Ntxoo txawm txiav nws lus thiab thawb nws me me ces nws txawm ev nws tus me nyuam los lawm.

TSHEEJ ZOO: Npawg...ua ib siab mog. Nws twb mus ua lub neej ntev li no lawm es tsis txhob xav txog lawm tsam tau plaub os.

THAJ YEEB: Npawg Tsheej Zoo, kuv pom nws li no es kuv hlub hlub nws es kuv thiaj li nug xwb os. Tsis muaj dab tsi thiab os.

TSHEEJ ZOO: Kuv paub los mas...tab sis nws yog neeg muaj txiv lawm, tsis zoo li thaum i lawm os mog. Es tsis txhob xav dab tsi ntau ntau thiab es wb mus tsev os.

NKAUJ NTXOO TUS ME NYUAM: Niam, tus ntawv yog leej twg na? Es koj paub nws thiab lob?

NKAUJ NTXOO: Tus ntawv yog dab laug xwb os.

NKAUJ NTXOO TUS ME NYUAM: Oh los...ua li mas.

NKAUJ NTXOO: Tuav zoo zoo tsaus tsaus ntuj lawm thiab es niam yuav mus ceev ceev tsam koj poob nawb.

--- --- ---

Nkauj Ntxoo thiab nws tus me nyuam lawv txawm los txog tsev. Nkauj Ntxoo txawm ev tus me nyuam mus rau nram txaj thiab muab lub kawm coj mus cia. Yeej Tsim txawm tawm ib tug da dej tag thiab tseem ntsis ntsis plaub hau.

NKAUJ NTXOO: Es hmo no koj mus yos es puas tau dab tsi na?

YEEJ TSIM: Cas koj nim yuav nug cuag li na thiab noog nim yuav khib rawv tos kuv nram teb na los?

NKAUJ NTXOO: Kuv nug xwb los mas.

YEEJ TSIM: Koj los es koj puas txiav taws los na? Tsis muaj ib tug rauv li lawm os.

NKAUJ NTXOO: Oh yo...kuv twb hais tias kuv sab sab es kom koj nrog kuv ev los koj twb sis kam ces kuv pus kuv ob tug me nyuam los xwb tsis tau tes mus ev taws li os.

YEEJ TSIM: Poj niam dab tsis, cas khib xuab ua luaj. Ua ib tug niam tsev no yus yuav tsum paub tias hauv yus lub vaj lub tsev no muaj dab tsi thiab tsis muaj yus yuav tsum nrhiav rau me.

NKAUJ NTXOO: Kuv twb tsis tau tes kiag li kuv thiaj tsis ev los mas. Tag kis kuv mam li sawv mus txiav ib qho los ua tshais os. Es koj los es koj yuav mus dab tsi na? Tsis txhob mus es los zov me nyuam kuv yuav ua ib qho hmo noj.

YEEJ TSIM: Kuv tsis tau khoom os. Kuv yuav mus nrog lawv zov hmo tag kis kuv mam li los.

NKAUJ NTXOO: Ua cas lub zos no es nim yuav muaj neeg tuag txhua txhua hmo li os yom. Ntshe tsis mus nrog lawv zov tuag, mus nrog lawv zov ciaj xwb pob.

YEEJ TSIM: Zov ciaj thiab zov tuag los tsis txhob hais hais. Kuv yuav mus qhov twg los kuv mus kuv lo pos. Niag poj niam tsis paub cai li koj tsis tsim nyog los hais hais kuv.

NKAUJ NTXOO: Yog tias koj yuav mus xwb xwb li no ces tos kuv ua ib qho hmo rau koj noj tso koj mam li mus os.

YEEJ TSIM: Tsis noj noj. Twb tsis muaj taws rauv lawm, es yuav noj dab tsi. Kuv mus pem lawv muaj dab tsi kuv mam li noj.

Yeej Tsim txawm muab lub zuag uas nws ntsis ntsis plaub haus ntawv cuam mus rau Nkauj Ntxoo ces nws txawm tawm khiav mus lawm.

Monday, July 11, 2011

Yeej Tsim & Tij Laug

YEEJ TSIM TIJ LAUG: Me kwv, cas Paj Yeeb yuav txiv tau ib ntu no xwb es koj yuav ntsoo tag npaum li na?

YEEJ TSIM: Tij Laug...xav tsis txog tias nws yuav siab phem es khiav tso kuv tseg li os. Kuv yog tus hlub nws tshaj plaws na...cas nws tseem ua tau lub siab phem rau kuv thiab?

YEEJ TSIM TIJ LAUG: Tsis ua li cas li mas. Hluas nkauj muaj coob, kuv mam coj koj mus tham ib tug. Nws tseem zoo nkauj thiab coj zoo tshaj koj tus Maiv Rhia lawm ntau.

YEEJ TSIM: Es nws yog leej twg no? Nyob lub zos twg?

YEEJ TSIM TIJ LAUG: Nws nyob hauv peb lub zos no thiab. Nws hu ua Nkauj Ntxoo no.

YEEJ TSIM: Nkauj Ntxoo? Koj hais Nyiaj Ntxawg tus ntxhais nram qab zog nrav?

YEEJ TSIM TIJ LAUG: Ham tsi mas. Tus ntawv zoo nkauj thiab zoo ua poj niam kawg.

YEEJ TSIM: Ntuj aws...twb tsis zoo npaum kuv tus Maiv Rhia. Tus ntawv ces tsis tham li os.

YEEJ TSIM TIJ LAUG: Niam nkawv kuj nyiam tus ntawv ua nyab thiab hos. Yog koj yuav tau ntshe niam nkawv yuav zoo siab heev li os.

YEEJ TSIM: Oh yo...tus ntawv xwb ces tsis tham li os.

YEEJ TSIM TIJ LAUG: Ua li los mas...tsis tham los kav liam. Tab sis kuv lam qhia rau koj ib tsam koj ho tu siab xwb os. Yog tias laj laj nyob no ces ho mus nrog lawv tham thiab mas. [Tij Laug gets up and leaves]

Thaj Yeeb & Nkauj Ntxoo - Love Scene

Thaj Yeeb hlub hlub Nkauj Ntxoo es Thaj Yeeb niaj hnub tuaj nrog Nkauj Ntxoo mus ua teb tiab ev Nkauj Ntxoo lub kawm. Nkawv niaj hnub mus nqa dej thiab sib pab ua txhua yam. Muaj ib hnub Thaj Yeeb hais rau Nkauj Ntxoo hais tias,

THAJ YEEB: Nkauj Ntxoo, kuv niaj hnub tuaj nrog koj ke li no los ua cas kuv nyob tsis rhuav li. Wb mus twb yuav txog tsev es koj puas kam wb so ib plig kom kuv tau nrog koj nyob ntev me ntsis tso os yom?

NKAUJ NTXOO: Tau mas...

Nkawv ob leeg zaum so ntawm qab ke. Thaj Yeeb puag Nkauj Ntxoo rau ntawm Thaj Yeeb xub ntiag.

THAJ YEEB: Me Nkauj Ntxoo kuv zoo siab tias koj niam thiab koj txiv nkawv yug tau koj tus me zoo zoo ntxim ntxim hlub es muab lub npe zoo rau koj. Koj tus me zoo zoo nkaum ntxoo. Me Nkauj Ntxoo kuv xav kom kuv tau koj es kuv yuav hlub hlub koj nyob nraim ntxoo xwb os. Kuv me Nkauj Ntxoo, es koj puas xav tias koj niam nkawv puas yuav kam kuv yuav koj os?

NKAUJ NTXOO: Thaj Yeeb, kuv xav mas kuv niam nkawv yuav tsum kam xwb. Txawm kuv niam nkawv tsis kam los koj yog tus kuv hlub es yog tias koj muaj siab tiag thiab yog koj tuaj coj kuv mus nrog koj nyob ces yeej yuav mus nrog koj nyob xwb os Thaj Yeeb.

THAJ YEEB: Ces nco ntsoov koj cov lus nawb.

NKAUJ NTXOO: Nco xwb mas...Es wb so li no lawm xwb es wb mus tsev ib tsam kuv niam cem kuv os.:

THAJ YEEB: Aws ua li mas...

Ces Thaj Yeeb thiab Nkauj Ntxoo txawm los tsev lawm. Ib tsam ib tag hmo Thaj Yeeb tuaj hais rau Nkauj Ntxoo tias tag kis Thaj Yeeb yuav mus tsev.

THAJ YEEB: Nkauj Ntxoo, koj nyob es kuv mus tsev li ob hmo, mus hais kuv niam thiab kuv txiv nkawv es kuv yuav tuaj coj koj mus nrog kuv nyob nawb.

Tag kis sawv ntxov, Nkauj Ntxoo npaj ib tug qaib tuaj mus xa Thaj Yeeb mus tsev.

NKAUJ NTXOO: Thaj Yeeb, ntshai tsam koj dag kuv xwb koj ua tsis tau. [Kuv nyob tos koj es koj mus tsuag tsuag tuaj os.]

THAJ YEEB: Tiag ho, kuv yeej tsis dag koj li os. Yog koj tsis ntseeg kuv no ces, cia kuv muab kuv niam kuv txiv txoj saw ua nkawv muab rau kuv chaw cia tias kuv yeej yuav tsum ua tau li qhov kuv hais thiab kuv yeej yuav tsum rov qab tuaj cuag koj xwb os Nkauj Ntxoo.

THAJ YEEB: Kuv yeej tsis dag koj li os. Koj tsis ntseeg kuv ces koj mam saib mus nawb. Yog hnub twg koj tsis kam yuav kuv es tseem mus yuav lwm tus lawm thiab ces kuv yuav los nyob ntawm koj lub zos ntawm no es pom koj txhua txhua lub sij hawm. Kuv yeej tsis dag koj li os nawb...

NKAUJ NTXOO: Aws, ua li ntawv kiag mas. Kuv ntshai tsam koj lam hais xwb koj ua tsis tau. Lig lig lawm es, sib ntsib li no xwb, koj mus tsev es kuv yuav mus ua teb. Mus zoo koj nawb. Mus tsuag tsuag koj rov qab tuaj os. [Cev pob su rau Thaj Yeeb]

Thaj Yeeb mus tsev ces mus txog ib tog kev ces nws txawm muab pob su coj los noj.

THAJ YEEB: Nkauj Ntxoo cas txhua txhua zaus kuv mus tsev es koj tim nkaij los sis qe es ua cas hnub no koj yuav ntim tag nrho ib tug qaib rau kuv. Kuv ib leeg xwb kuv noj tsis tag es kuv xav kom koj nrog kuv noj os Nkauj Ntxoo ... As ... cas zaum no es Nkauj Ntxoo ntim ib tug qaib rau kuv ne. Muab kos taws qaib los saib seb koj puas nyob tos kuv.

YOG NRHA - Ua cas kos taws ho nrha li no ne. Ntshe wb tsis sib tau hos...Tsis yog tsis yog, koj yuav tsum nyob tos kuv xwb. Koj yeej yuav tsum yog kuv ib leeg tug xwb os...

YOG ZOO - Nkauj Ntxoo kos taws qaib zoo kawg. Koj yuav tsum nyob tos kuv ib leeg xwb os Nkauj Ntxoo.

- SCENE

Nkauj Ntxoo & Thaj Yeeb - Break up Scene

Thaj Yeeb thiab Nkauj Ntxoo nkawv cog lus rau ib tsob ntoo thaum nkawv mus txiav taws ua ke. Hmo tsis ntev, hnub tsis ntau Nkauj Ntxoo tau mus ua luag poj luag sev lawm. Thaj Yeeb chim siab heev nws thiaj li nws thiaj li mus nqa taus mus txiav tsob ntoo pov tseg. Nws quaj quaj thiab chim chim ces nws txawm zaum ntawm qhov chaw ntawv xav. Txog thaum kawg, nws muab tsob ntoo ntawm qhov uas nkawv txaug nkawv lub npe rau txiav nqa los tsev lawm.

Thaj Yeeb txawm rov qab mus tsev mus nyob ua ib tug neeg kho siab khuj khuav tau ob hli ntau. Ces nws txawm txiav txim siab tuaj nyob hauv Nkauj Ntxoo lub zos seb puas tau pom nws.

Thaj Yeeb: Es...chim siab ua luaj no. Nyob hauv lub neej no ntshe yuav tsis muaj ib tug zoo li Nkauj Ntxoo li lawm. Ntshe yuav ua ib siab mus nyob hauv lawv lub zos seb puas tau pom nws chim puav kom zoo yus lus siab. Txawm tsis tau nrog thiab tsis tau tham los tsuas tau pom xwb ces yeej zoo siab lawm.

Thaj Yeeb thiaj li txiav txim siab los nrog Thaj Yeeb ib tug phooj ywg nyob hauv lawv lub zos.

Thaj Yeeb txam tuaj nyob hauv Nkauj Ntxoo lub zos niaj hnub soj Nkauj Ntxoo qab thiab nws txawm mus ua ib daig teb nyob rau ntawm Nkauj Ntxoo thiab Yeej Tsim nkawv daim. Nkawv niaj hnub sib pom tab sis tsis sib tham li.

Friday, June 24, 2011

Nyiaj Pov - Divorce Scene

Niam Nyiaj Pov just got home from work and has just entered the door. She sees Nyiaj Pov about to leave with his suit case.

N. Nyiaj Pov: Koj nqa pij xab [suit case] es koj yuav mus dab tsi?

Nyiaj Pov: Txawm mus thiab tsis mus los kuv yeej yuav mus ib hnub ces cia hnub no rau kuv ua tus tawm.

N. Nyiaj Pov: Koj hais li ko es txhais tau li cas no?

Nyiaj Pov: Koj niam...kuv hais rau koj tias kuv yeej yuav tuag rau kuv tus hluas nkauj tim ub li ces ntshe kuv yuav ua ib siab mus nyob tiv. Txawm phem thiab zoo los ntshe kuv yuav tsis los lawm es koj nyob no ces hlub wb cov me nyuam thiab.

N. Nyiaj Pov: Koj txiv, koj hais li kos es koj twb xav zoo lawm lo. Wb lub neej, thaum i tuaj tim Thaib Teb tuaj, es wb nim khwv khwv nruab hnub hmo ntuj. Koj nyob ces kuv mus, koj mus ces kuv nyob. Wb nim ua kab ua noog cawm wb tej me nyuam kom txhob ntshaw luag. Khwv los txog nij hnub nim no es nyuam qhuav tau tsev nrog luag nyob, tau tsheb tshiab nrog luag caij. Es koj twb xav zoo lawm lo, qhov koj yuav mus?

Nyiaj Pov: Tej kos kuv yeej muab xav tag lawm...tab sis hauv kuv lub siab yog tias tsis tau ntsib kuv tus hluas nkauj, kuv yeej nyob tsis tau. Es kav liam, koj nyob ces kuv yeej paub tias koj yeej yuav tuav wb tej khoom kom zoo. Koj yeej yuav hlub wb tej me nyuam tshaj vim yog kuv yug. Txawm kuv mus los, kuv tso siab lug tias koj yeej yuav ua ib tug niam tsev zoo os. Es cia wb muab tham tso tseg li no tsis txhob cav sib ceg lawm. Cia wb nyias mus nyias zoo siab hlub mog. Koj nyob no ces saib xyua koj tus kheej thiab. [He picks up his suit case and is about to leave. N. Nyiaj Pov holds his arm.]

N. Nyiaj Pov: Nyiaj Pov, kuv cheem los koj yeej yuav mus, kuv tsis cheem los koj yeej yuav mus ces kuv tsis hais koj ntxiv lawm os. Es kuv thov koj puag kuv rau koj lub xub ntiag thiab plhus kuv lub to hau ua zaum kawg tias kuv niam kuv txiv yug kuv los ua ib zaug neeg es kuv tau los ua koj tus poj niam tuav koj lub cuab lub yig ib zaug hauv wb lub neej no os. [He holds her head against his chest and pats her head.] Kuv tsis zoo lawm ces kuv thov kom koj mus ntsib tus ua zoo raug koj lub siab nyiam thiab siab ntshaw thiab thov kom nws hlub koj tshaj li kuv hlub mog. [He holds onto her for another second and then pushes her off, picks up her suit case and leaves.]

Scene

Yeej Sim & Yuj Laim - Break up scene

Break up;

Yeej Sim: Yuj Laim...tej zaum kuv tsis mus kawm ntawv rau nram Standford lawm.

Yuj Laim: Vim li cas? Qhov ntawv twb yog koj qhov kev npau suav ne. Thiab koj twb tau scholarship mus, vim li cas koj ho tsis mus?

Yeej Sim: Tam sis no, kuv nyuaj nyuaj siab li. Txawm mus los ntshe kuv yuav kawm tsis tau.

Yuj Laim: Puas yog tim kuv koj thiaj li tsis mus? Qhov tseeb kuv yeej tsis xav kom koj mus, tab sis qhov ntawv yog koj txoj kev npau suav. Kav tsij raws koj txoj kev npau suav ua ntej, txoj kev hlub, mam raws tom qab tsis lig.

Yeej Sim: Kuv to taub mas...tab sis tsis yog tim koj kuv thiaj li tsis mus.

Yuj Laim: Yog li, vim li cas no? Dab tsi khuam koj siab, qhia kuv paub. Qhov kuv pab tau, kuv mam li pab koj. Qhov pab tsis tau kuv mam li nrog koj khwv tswv yim.

Yeej Sim: Qhov no koj yeej pab tsis tau kuv li os.

Yuj Laim: Koj twb tsis tau qhia kuv, koj yuav ua cas paub kuv pab tsis tau koj? [She puts her hand on him and he pushes it off.] Yeej Sim...wb ua nkauj ua nraug tau ob peb xyoo no, kuv tuav koj, koj yeej ib txwm tsis thawb kuv li sa...ua cas hnub no koj ho ua li no? Yog muaj dab tsis khuam siab? Qhia kuv, kuv yeej tsis chim li os.

Yeej Sim: Kuv xav...qhov zoo tshaj rau wb tam sis no, cia wb txhob sib tham lawm. Cia nyias mus nyias ib ntus seb zoo li cas.

Yuj Laim: Yeej Sim...ua li cas koj ho hais li kos. Puas yog kuv ua dab tsi txhaum es koj thiaj li hais li kos?

Yeej Sim: Kuv twb hais tias tsis yog tim koj no ne...

Yuj Laim: Wb ua nkauj ua nraug los tau peb lub xyoo no, es koj txawm yuav ua li no rau wb txoj kev hlub lo...koj xav zoo lawm lo?

Yeej Sim: Kuv yeej muab xav lo ntev lawm...tab sis hais tsis tau qhia koj xwb. Es cia hnub no ua hnub kawg rau wb. Yog koj pom leej twg zoo los koj kav tsij mus pib koj lub neej es tsis txhob tos kuv lawm nawb...

Yuj Laim: Ntawm kuv tsis muaj dab tsi...yog tias qhov no yog qhov koj xav tau thiab qhov koj ntshaw. Kuv yeej yuav tsis txwv tsis txhiav koj hauv kev...

Scene

Wednesday, June 22, 2011

Ideas

Yuj Laim gets really sick and she's on the verge of life and death. She comes into Yeej Sim's dream and tells him.

"Yeej Sim, yog koj hlub kuv tiag no ces, peb hnub tom ntej sawv ntxov tuaj sawv tim lub roob ua siab tshaj plaws es ntsia rau hauv hav seb koj puas pom kuv os. Yog pom no ces koj mam li pab seb koj pab tau kuv vim tias lawv yuav coj kuv mus tiag tiag li os."

He gets up the next morning and runs over to Yuj Laim's house and checks up on her. She is still breathing, but more pale than ever. She is taking deep deep breaths. He cries and holds onto her hand. Her mother comes into the room and he tells her his dream.

LIV NUG = Looks like an Eagle but stripped. Powerful with a unique chirp. Whenever it chirps, and if you hear it, your spirit will go with it.